GLORIA, Oriental Mindoro - Isang pagpupulong ang isinagawa ng Municipal Environment and Natural Resources Office (MENRO) at Rural Health Unit (RHU) kamakailan sa lahat ng owners at haulers ng potable water sa Sangguniang Bayan Session Hall.

Layunin nang pagpupulong na makalikha ng isang Resolusyon at Ordinansa upang masigurong malinis at ligtas ang paghahatid ng tubig sa mga tahanan na nasasakupan ng bayan ng Pinamalayan at mga kalapit bayan.

Ipinaliwanag ni Rural Health Sanitary Inspector Sancho Aporo ang Presidential Decree 856 o Sanitation Code of the Philippines na nagsasaad na; Any person engaged to business is entitled to secure Sanitary Permit and Medical Certificate. Dahil dito, napagkasunduan na dapat magkaroon ng Certificate of Water Potability ang lahat ng owner ng patubig at Sanitary Permit at Medical Certificate naman sa lahat ng mga haulers. Ang mga haulers ay dapat na tiyakin na meron drain plug ang imbikan ng tubig, malinis ang ginagamit na hose at gumamit naman ng bottled brush sa paglilinis ng mga containers upang maalis ang lumot na kinakapitan ng bacteria, bago muli itong lagyan ng tubig.Ang mga reservoir ay dapat may label na “For Drinking Water Only”.

Ayon kay MENRO, Tess Valera kaugnay sa Philippine Clean Water Act:  (RA 9275) Section 20 na dapat na mamonitor ang kalidad ng tubig, hindi lamang tubig inumin kundi sa pangkalahatan nitong gamit. Kailangan itong idaan sa pagsusuri upang makita kung ito ay kontaminado o ligtas na inumin at paggamit.

Nakipagkasundo naman ang lahat ng mga owners at haulers ng potable water na sa darating na January 2008, ay tutuparin nila ang pagkuha ng mga kailangan permit ayon sa hinihingi ng malilikhang patakaran..(Melani E. Lagrana)