No account yet?
  • Increase font size
  • Decrease font size
  • Default font size
  • default color
  • red color
  • green color
Home
DEPARTMENT NEWS PDF Print E-mail
Reconstruction ng Documents Sisimulan Na!  
        Magsisimula ang tanggapan ng Municipal Local Civil Registrar sa pagsasaayos ng mga dokumento sa pamamagitan ng tinatawag na “Reconstruction of Documents” sa Setyembre 22-27, 2008 sa National Statistics Office (NSO) Manila.
          Sa pahintulot ni Punong Bayan Romeo D. Alvarez, naglaan ng pondong PhP 100,000.00 para sa pagsasaayos ng     dokumento tulad ng Birth Certificate, Death Certificate at Marriage Certificate mula noong taong 1964 hanggang1984, para sa mga walang pinanghahawakang  dokumento at magkaroon ng SECPA o Security Paper na autenticated sa susunod na taon ang Local Civil Registrar.
          Layunin ng programa na makapagpatala ang lahat ng mamamayan sa Gloria upang di na sila mahirapan pa sa pagsasaayos ng kanilang dokumento sa panahong kailangan ang mga ito.(Ma. Theresa D. Magdalita, Media-Point Person-MCRO)
  Vallar, Tsampiyon sa Provincial POP Quiz
          Pinamalayan - Itinanghal na champion si Gertrude S. Vallar ng Sacred Heart Academy sa Provincial Pop Quiz na ginanap sa Atlantica Urban Resort, Pinamalayan, Oriental Mindoro, Setyembre 1.
          Nauna ng nanalo si Vallar sa ginanap na Municipal POP Quiz sa SB Session Hall ng Gloria, Setyembre 2, 2008. Pumangalawa si Reymark  mula sa Malamig National High School (MNHS) at pumangatlo si Shermane F. Fontarum ng Bulbugan National High School (BNHS).Ang POP Quiz ay taunang isinasagawa ng PSWDO sa pamumuno ni Gng. Ethel  Villaluna.(Imelda G. Livelo & Winnie F. Royo, Media-Point Persons-MSWDO)
  Responsible Parenting at Natural FamilyPlanning Programs, Inilunsad
          Gloria - Inilunsad ng Provincial Government ang Responsible Parenting Movement (RPM) at Natural Family Planning Program sa bayan ng Gloria. Sinimulan ito sa pamayanan ng katutubong mangyan sa Sitio Mansaring, Manguyang noong Agosto 21, sumunod sa Barangay Balete, Agosto 28 at Barangay Sta. Maria, Setyembre 11.
          Ang wastong paggamit ng natural na paraan ng pagpaplano ng pamilya at maihanda ng maayos ang kinabukasan ng mga anak, pangunahin ang mga bago pa lang mag-asawa ang layunin ng programa.
          Sa pangunguna ni Gob. Arnan C. Panaligan, PSWDO Teresita A. Umbao, Gng. Ethel Villaluna Provincial POP COM Officer at G. Willy Madla, ay naging matagumpay ang seminar ukol sa RPM at Natural Family Planning na nilahukan ito ng 200 na mag-asawa na bago pa lamang nagsasama (Winnie F. Royo, PR-Media Point MSWDO)
 Pagtatanim ng Bakawan, Pinangunahan ng MENRO 
          Pagtatanim ng mga bakawan sa Barangay ng Tambong at Barangay Balete ang isa sa naging programa ng MENRO sa pakikipagtulungan ng CENRO - DENR na isinagawa noong Agosto 14.
          Naging pangunahin sina Gng. Ma. Theresa T. Valera-MENRO at G. Ernesto I. Yere-CENRO-DENR sa pagtatanim ng mga bakawan upang maprotektahan ang mga yamang-dagat. Lumahok ang mga estudyante ng President Diosdado Macapagal Memorial National High School (PDMMNHS), Bulbugan National High School (BNHS) at Sangguniang Barangay ng Tambong at Balete sa panguguna nina ABC Pres. Rimando Recalde at Punong Barangay Diomedes Mosquera.(Charlene M. Condesa, PR-Media Point Person-MENRO)  
 
< Prev   Next >
Headlines
  • Pause
  • Previous
  • Next
1/4
tiangge_005.jpg Opisyal ng Idineklara: MARTES AT BIYERNES ARAW NG TIANGGE SA PAMILIHANG BAYAN NG GLORIA, MAMILI NA!

                                                                                                                                                

Opisyal ng idineklara ni Punong Bayan Romeo D. Alvarez ang araw ng Martes at Biyernes bilang Tiangge Day sa Pamilihang Bayan ng Gloria.  Bunsod ito sa kagustuhan ng punong ehekutibo upang mas lalo pang gumanda at mabuhay ang takbo ng kalakalan sa bagong palengke. 

            Nauna dito, dalawang beses na masinsinang pinulong ni Mayor Alvarez ang ­­mahigit 160 opisyal at miyembro ng Fruit and Vegetable Growers sa Gloria noong December 24, 2008 at January 13, 2009 upang balangkasin ang mga hakbang sa implementasyon ng araw ng tiangge at siguruhing sapat ang produkto lalo na sa unang araw ng operasyon nito.

            Sumuporta ang mga Punong Barangay na silang nakakaalam ng mga may patanimang gulay at prutas sa kanilang lugar gayundin ang pangulo ng Fruit  and Vegetable Growers na si G. Tony Malbog sa panukalang ito ng punong bayan para sa kapakinabangan  ng mga Gloriano.  Sila ang nagsilbing tulay ng Pamahalaang Bayan sa pakikipag-ugnayan sa mga magsasaka ng gulay at prutas maging ang pagkalat ng impormasyon upang mabilis na makarating sa bawat mamamayan ng Gloria ang pagsisismula ng tiangge.

Napagkasunduan sa pagpupulong na walang ilalabas na produkto mula sa bayan sa unang araw ng tiangge.  “Nakikiusap ako na subukan natin ang ating bagong palengke sapagkat walang ibang mas tatangkilik dito kundi tayong mga Gloriano at tayo rin ang higit na makikinabang dito,”pahayag ng ama ng bayan. Ipinakiusap din niya na tamang presyo lang ang pairalin upang patuloy na tangkilikin ng mamimili ang palengke.  Dumalo rin sa pagpupulong ang mamamakyaw at biyahero ng gulay at prutas na handang makipagtulungan sa magandang adhikain ng Pamahalaang Bayan.   

            Nagkaroon din ng pag-eere sa himpilan ng Radyo Natin Pinamalayan para sa advertisement ng tiangge sa Gloria upang maipaabot ang impormasyon sa iba’t-ibang bayan ng Silangang Mindoro.  Nagpakalat din ng mga flyers sa iba’t-ibang lugar na nagsilbing paanyaya upang dayuhin ang tiangge gayundin ang bagong palengke.

            Sinimulan ang unang araw ng tiangge noong January 20 na binigyan ng titulong “ Super Tiangge sa Gloria.”  Positibo itong  tinugon ng magtitinda, mamamakyaw at mamimili mula sa Gloria at karatig bayan tulad ng Pinamalayan, Bansud, Socorro, Bulalacao, Bungabong, Roxas, San Teodoro, Naujan, Victoria, Calapan City at San Jose, Occidental Mindoro na idinadayo ang kanilang produktong tuyo sa bayan.

            Ipinagkatiwala sa Pambayang Tanggapan ng Agrikultura sa pamumuno ni MAO Roman dela Cruz ang pamamahala tuwing tiangge upang siguruhin na maayos at natututukan ang pagpapatakbo nito.    

Ngayong buwan ng Abril, apat na buwan na ang  magumpay na operasyon ng tiangge at ayon sa pinagkakatiwalaang tanggapan dito, masasabing stable na ang  lagay nito. 

            Kusa ring nagbibigay ng mga papuri ang mga magtitinda at mamamakyaw sa maayos at komportableng lugar na pinagtatayuan ng tiangge lalo’t higit sa mababait na katiwala dito na mabilis na tumutugon sa kanilang pangangailangan.  Malaking menos din anila ang nagagawa ng maluwang na espasyo ng tiangge sapagkat maluwag na naipapasok nila ang kanilang dalang sasakyan sa ganitong paraan hindi na nila kailangan pang bumayad ng estebador upang buhatin ang kanilang kalakal.  Dagdag pa nila, dumarating silang nakaayos na ang lahat, may tolda na panangga sa ulan at sikat ng araw at nakalatag na ang papag na paglalagyan nila ng produkto.  “Mas malaki ang kinikita ko sa pagti-tiangge sa palengke ng Gloria kesa sa ibang bayan, matapat na pahayag ni Gng. Emma Rosales - isang magtitinda buhat sa bayan ng Pinamalayan.

Ilan lamang ang mga patunay na ito na nagsisilbing inspirasyon sa administrasyon ni Mayor Alvarez upang patuloy pang paunlarin ang pamilihang bayan.

            Bilang pasasalamat ng pamahalaang lokal sa pagsuporta ng Fruit and Vegetable Growers sa  tiangge, nagpanukala ang Municipal Agriculture Office na mgakaroon ng seed subsidy na agad namang inaprubahan ng punong bayan.  Makakautang ng butong panamin ang magsasaka ng gulay na walang interest at babayaran kapag naani na ang pananim.  Katuwang ng pamahalaang bayan ang Regional Office ng Dapartment of Agriculture sa pagsasakatuparan ng proyektong ito.  Malaking tulong ito upang hindi na mangutang ng puhunan sa patubuan upang gastusin sa  sakahan ng gulay na madalas nangyayari ayon sa mga vegetable growers.  Masisiguro rin na lalo pang magiging sagana ang supply ng gulay sa palengke.  Makipag-ugnayan lang sa Municipal Agriculture Offfice tungkol dito.  

 “Isa ito sa legacy na nais kong iwanan sa pagtatapos ng aking termino ngayong 2010,” pahayag ng punong bayan..  

Read more...
 
Editorial
SUMISIGLANG KALAKALAN SA BAYAN NG GLORIA            Sa pagbubukas ng tiangge day sa Pamilihang Bayan ng Gloria (Martes at Biyernes), unti-unting sumigla ang kalakalan sa bayang ito at ngayon ay nababanaag na ang  tuloy-tuloy na p... Read more...
Ordinances and Regulations
beach_resorts_in_gloria_032.jpg BEACH AT INLAND RESORTS MONITORING ISINAGAWA NG MENRO AT PENRO        Nagsagawa ng monitoring sa mga beach at inland resorts sa Gloria ang Tanggapan ng Municipal Environment and Natural Resources Office (MENRO) katuwang  ang Provincial Environment and Natural Resources Office (... Read more...
 
Features
twin_cave.jpg MALUBAY…..Tahanan ng Natatanging Kuweba ng Gloria MAIKLING KASAYSAYAN AT MPORMASYON:                Isang bulubunduking lugar sa bayan ng Gloria…. tahimik…. pinagpala sa likas na yaman ….. yan ang Barangay... Read more...
Message from the Mayor
mayor_pic_black_s.jpg PAGHARAP SA PANDAIGDIGANG KRISIS             Hindi kaila sa inyo ang malawakang  krisis na nararanasan ngayon saan mang panig ng mundo.  Mahirap mang isipin subalit ito ang katotohanan na dapat nating tanggapin ... Read more...
 
Business
bath_soap.jpg PAGGAWA NG HERBAL SOAP AT DISHWASHING LIQUID ITINURO NG TLDC      Dalawang araw na training ang inilaan ng Technology and Livelihood Development Center (TLDC) ng Silangang Mindoro upang maturuan ang mga samahan ng Barangay Kawit sa paggawa ng Herbal Bath Soap at Dishwashing liquid mula ... Read more...
Announcements
ORIENTAL MINDORO REALTY TAX PROMO HANGGANG MARCH 2009 NA LANG          "Buwis na inyong binabayaran, Sambayanang Mindoreño ang makikinabang." Ito ang kasalukuyang slogan ng Provincial Treasurer’s Office sa kanilang kampanya ukol sa pagbabayad ng... Read more...
 
Sports
Karangalan ng Bayan: Manlalaro ng Gloria, Namayagpag sa Provincial at MIMAROPA Meet           Namayagpag ang mga manlalaro ng Gloria sa katatapos na Provincial at MIMAROPA Meet.  Pinatunayan nila na ang mga Gloriano ay hindi patatalo pagdating sa larangan ng palakasa... Read more...
 
News
seeds_distribution.jpg MAgO, Namahagi ng Libreng Binhi      Pamamahagi ng libreng binhi ang bagong programa ng Department of Agriculture para sa dry season cropping mula Nobyembre, 2008 hanggang April, 2009. Marahil ito ang dahilan kaya hinikayat ang maraming magsasaka ng palay na... Read more...
 
Advertisement

Webmail

Username
Password

Who's Online

We have 1 guest online

Visitor Counters

Visits today: 46
Visits yesterday: 73
Visits month: 318
Visits total: 26721
Max.monthly visits: 2357
  occurred: 2009-3
Pages this month: 6409
Pages total: 521100

Visitors by Country

Totals Top 25
 36 % Philippines
 18 % United States
 7 % United Kingdom
 7 % Germany
 4 % Russian Federation
 3 % China
 3 % Ukraine
 2 % Saudi Arabia
 2 % Latvia
 2 % Netherlands
 < 1.0 % Sweden
 < 1.0 % Canada
 < 1.0 % India
 < 1.0 % Korea, Republic of
 < 1.0 % Brazil
 < 1.0 % France
 < 1.0 % Italy
 < 1.0 % Panama
 < 1.0 % Spain
 < 1.0 % Israel
 < 1.0 % Japan
 < 1.0 % Unknown
 < 1.0 % Thailand
 < 1.0 % United Arab Emirates
 < 1.0 % Singapore