Sa simula ng panunungkulan ng inyong lingkod bilang Punong Bayan noong 2001 - nais kong sama-samang nating balikan ang mga mahahalagang kaganapan dito sa GLORIA. Sa ating sama-samang pagtingin, nais kong sabihin sa inyo, na ang patuloy na pagsusumikap ng mga Punong Barangay na pagandahin ang kanilang barangay – sa imprastraktura at sa iba pang mga programa at proyekto ay tinatapatan ko lamang ng kaukulang pagpapaunlad sa pambayang antas. Anumang mga programa at proyekto ang ating sinimulan at patuloy na ginagawa ngayon ay naayon lamang sa ating adhikaing pinagtibay noong taong 2002 – adhikaing isinangkap sa ating VISION: To become a “PRIMARY AGRICULTURAL PRODUCTION AND ECO-TOURISM CENTER IN SOUTHERN ORIENTAL MINDORO.”